话说寻晚小学聚会..难得的一次聚会就遇上左滂沱大雨,

本来约好9点钟去的,

但8点40分就开始落大雨 ,好大好大雨..好似倒水甘子,仲行雷闪电添..

我早已经应承左几个恶人,今次无论死人啉楼都要出席的..因为我之前甩底次数太多了,

但出边甘子的情况,我好忧心,不过我无办法..落雨我都唔想的,惟有等细雨D先走,

一边睇ID精英,一边等停雨,

点知场雨一直未停过,亦都无细过,

21:51分第一个电话催我,22:11分第二个电话催我,22:35分第三个电话催我,

终于,我忍唔住个几个恶人的夺命追call,死就死,冒住大雨都开台车出去..

去到个时,已经有20人左右到场,气氛都算好..比我想象中多人了,

N多同学好耐无见,大家都好似变左好多,真是肥左又靓左..哈哈..

虽然好耐无见,但小学同学始终一齐6年的时间..我觉得渠地一D都唔陌生,

最可惜噶就是匆匆忙忙出门,连DC都唔记得带..

就只有用手机来顶住档了,

NO.1 臭美国佬一直引我笑,笑到我快面都红晒..其实有眼泪的,

NO.2阿美国佬先生,其实我跟你很friend的好不好?无讲到我甘衰唔同你好啦

NO.3 有人阻住晒..

NO.4 有人扮高..

NO.5唯一有我的合照..最讨厌有人按住我个头噶喇

1:17分,萧生call我,叫我早D翻屋企,唔好耍太夜,

我说收到,翻到去再sand短讯过渠,

大家疯狂一直持续到深夜2点几,

然后开始散场,有人提议去宵夜..之后又一窝蜂走晒去汉记,

雨开始停了,大家痴痴呆呆围埋一台,响度话当年..笑死我了,

番到屋企已经3点40分了,

此时我已经严重散眶..攰到无乜感觉,

换好衫准备训觉,忽然记起我唔记得左sand message比萧生,

拿拿淋sand左条短讯比渠,

大锅,我等住比人闹了!

sand完条短讯,我就训着左了...

 

今朝..

朦胧中听到阿妈叫我起身去饮茶,

朦胧中听到爸爸叫阿妈比我训多阵,

朦胧中听到珊姐把声,

睁大眼,原来我仲揸住台手机..

8:45分,天啊...先训左4个几钟,我只眼超级严重的痛,

好眼训,但太阳很大,我已经训晤翻了,

起左身,洗左个面,行出厅就摊住左响沙发度..

好攰啊...好似比人打左一身的感觉,周身骨痛,

家姐同湛哥哥终于翻离,阿妈等左好耐了,

然后去饮茶...

我家珊姐去到边都是焦点..次次都有服务员忍唔住走过来同渠耍..

点左好多野,次次都甘恐怖,食到个个摊摊腰..

 

好忙,饮完茶翻离,我又要扑上石岐..

痴线..又开始倒水甘子落雨了,

好无奈..次次出门都甘子..

最不知所谓噶系,我地都唔知上石岐搞乜鬼,

半个钟就开完会了,

好鬼痴线啊..落住大雨山长水远去到都唔知做乜鬼既..

大家都鄙视公司

然后又冒住大雨翻离..唉..!玩咩..

此时萧生又call我了,好在渠无闹我寻晚的事..

哈哈..你真系变左了!

 

最后,我差D唔记得多谢妈妈,

后补的生日礼物..

多谢晒!

 

打完篇流水帐日志好攰...

完..