发觉我现在很喜欢睇电影,

小学鸡的群里面,我一系唔讲野,一讲野必定跟电影或电视有关..

窃听风云,严重推荐的一部电影,

睇完之后,一定会有种说不出的感觉,

个种感觉,真系要睇过先知!

除此以外,冲锋21呢部卡通片,我由上年追到今年..

话我白痴的人,你地系唔会明白当中好睇的奥妙的!

以上一组图里面,睇到乜野?

其实是我的性格,

你不会知道我是点样的一个人,

除非你对我真是很了解很了解..

我想,应该无一个人会睇得明!

如果有,我真的会很高兴..像中了大乐透一样的高兴!

 

你喜欢吃肉吗?

..少吃..

你喜欢吃肥腻的东西吗?

..从不..

但你甘油三酯偏高

..从来都无想过..

少食高脂肪 高热量 高糖食物

..我办不到!..

 

健康紧要还是享受紧要?

答案是一样紧要..

不过,我答应你,部分食物我会戒...

早前,我一时兴起想稳翻我23年前的出世纸,就是想睇下我的左大脚印

稳左好耐好耐,好多远古时代噶野都比我稳左出离,惟独我个出世纸

后来阿妈话,之前装修噶时唔觉意掉左..

啊啊啊啊啊 .... .. 好无奈..

响一大堆陈年垃圾里面,我稳翻好多以为唔见左噶野..

仲有好多细个时噶相..

我见到我由初中一直到高中写噶日记,

一共有6大本..哇哇..系6大本耶..!

我花左2个几钟头噶时间大概甘睇晒..

主要人物有5个人,5个都是很白痴的人..

发觉我写噶日记全部都系围绕住一样野去写的,

"很傻 很天真"呢句话绝对趁得起我有余..

原来响我个10年里面,发生过好多事,但好多我都吾系好记得了,

可见我的记忆消化能力有几好,

后来,我将我的6大本日记全部撕到粉碎,然后掉左..

我根本不需要日记去提住我过去发生过咩事..有D野,系记住就会一世都记住的..

如果我忘记了,就讲明,个样野对我根本不是很重要...

 

今次,我稳翻好多细个时噶回忆,

那时,家姐很瘦

那时,细佬好得意

还有,细佬D日记更为经典..简直是笑话..

捻到就想笑

 

今日,百年难得一见的日全食在我国各地上演..

虽然我地呢边只系可以睇到日偏食,

但我依然期待..因为我从来未见过日食..

次次有亲日食或者月食,都系因为天气或者时间不合而错失,

今次甘声势浩大..点都要一睹日食噶风采!

早上8点10分开始..历时两个多钟,

本来上紧班既我地,走晒出门口,

透过镜片..终于..我人生第一次见到日食..

好开心,原来日食真系好似小学教科书上讲噶一样的..哈哈

发觉自己好幼稚,睇左好耐..

然后马上打电话比萧生,

渠第一句说话居然系"你点解甘样打离既?"

我好愕然..唔知渠咩意思..

后来,发现

原来我无打短号..直接拨左渠电话..意思即系话要收费.

哈..无办法,我太兴奋了,

因为我见证了500年才会发生的事情..

下一次,要等几多年后?我怕自己再无这样的机会了..

 

今日得知我之前的考试PASS了,好开心..

继续加油,因为下一次考试好快又离了!

今晚萧生又稳翻寻日个件事出离讲..

渠话有人呢..唔去珠海食海鲜呢..唔比面呢..使颈呢..

使颈 呢个词 确实用得好贴切..

因为我唔想去,因为我唔想食,因为我唔食得,更因为我以为吾顺路..

渠根本都唔了解,我系唔想麻烦人地..

所以我选择自己一个人走左..

OK..就当我使颈!

后来,发觉自己确实有D偏执..

我成了唔合群个一位..

Sorry..原来我自己真系好唔合群,

所以,最后我咪主动比电话萧生咯!

但我绝对不是大小姐脾气,OK? "使颈"一词还可以接受..

 

今晚去做瑜珈,一如既往的攰,,

出左N多汗,散晒!

散晒之后又要温书..唉!

讲翻前日去考试..黑仔,除左呢两个字,无任何字更加可以形容当日的我,

我自问都好认真去温习..

3套试卷,其实我基本都背熟晒,除左其中5条简答..

我居然黑仔到,抽试题抽中晒个5条简答..

15条简答,我偏偏中晒我唔识果5条,呢D唔叫黑仔叫乜野?

真系痴胶花..

公司逍遥谷爬山活动遇着台风莫拉菲,令到我地班蛋散怨言更大..

一早就应该取消啦..仲要继续,变态!

然后去客家庄度食晚饭,我地怨言简直彪到高峰..

我根本都食唔饱..

算啦..我地走先,点知我同阿兴两个走个时就遇着10级大风,差D吹走我地两个..

行雷闪电,又开始狂风暴雨..吓到我两个半死,..

打电话求救..居然无人救到我,真阴公!

都是人地男朋友好...

 

见到喇..今晚睇到脂肪小姐的婚纱相花絮..

好呤..真系影得好呤..好欣赏渠地套骑士装,型到爆..!

睇离,渠今次真系稳到渠噶幸福了,

我套礼服还未搞掂..我会尽快拣好的,

再比D时间我..!!!

 

因为呢排噶天气真系热到爆,我又听翻晴天应下景,正到..

次次去K我都会点晴天,但又明知我唱唔到的,

哈哈..呢D就叫做无谓咯!

7月7日,我个E牌驾驶证终于满一年了,可以去考C牌咯..

近排我好似好忙,

连续几个星期都要温习功课,因为公司又要考试,

而且仲连续两个月都考,学小玲话斋,真系痴了线..

今日同班同事讲起广州有人中9千几万福利彩票个件事..

个个都响度发白日梦,话如果系我呢..就点点点......甘子,

如果我中左,我第一件事就是烧晒D复习资料,因为我唔使做了..我要长叹..

 

寻日,系一个纪念日,居然有人唔记得左,

某人极力辩驳,话自己无唔记得..

算啦..我不是个小气的人,反正纪念日只不过是自己编制出来的日子遮,

哇..5年,连我自己都觉得好长..

我荣升左做腊肠?哈哈..点解呢?

因为我系太上皇....

 

今晚终于开始发奋去强身健体了,

好热,出左好多汗,玩左好多器材,但无练瑜珈,

好意外地,今晚遇见了3位中学同学,阿茂..郭仔同卖菜,渠地都想来学瑜珈

更意外地,我见翻个17年无见既小学同学,渠而家居然系教我地国标舞噶老师..

接住落离,我都会勤力D离锻炼的了,

其实我是有组织 有预谋 有计划的,

因为18号又是公司年度体检了,我当然要操fit番个身体啦..

今次我最怕的居然不是抽血了,而是做心电图,我怕又试心跳超一百..

其次,我要赶走我的bye bye肉..

虽然攰,但感觉好似几充实。

又做左个mask,感觉很爽..

要整翻靓D皮肤,要准备件伴娘礼服,我要做伴娘啦..

不过是12月的事,

个癫婆居然甘早就叫我准备..好似不容有失甘!

放心,我会准备得好好睇睇的了!